Түркістан облысы, Төлеби аудандық сотының ғимаратында Төлеби ауданы сотының төрағасы Ж.Сейтжапбаровтың, Төлеби ауданы прокуратурасының прокуроры Е.Қасымның және аудандық пробация қызметі бөлімінің бастығы, әділет майоры Б.Сарыпбековтың және аталған орган қызметкерлерінің қатысуымен жұмыс кездесуі өтті.
Жұмыс кездесуінде қаралған негізгі мәселе: бас бостандығынан айырылғандарға тағайындалған жазаның күшін жоюға немесе оны ауыстыруға жүргізілген талдау нәтижелері сараланды. Сонымен бірге, сотталғандардың қосымша міндеттерді: сағат 22:00-ден 07:00-ге дейінгі тұрғылықты мекен-жайында болуы, белгілі бір орындарға бармауы және сотталғандар тарапынан қасақана тәртіп бұзушылықтарға жол берілген жағдайда олардың жазасының өтелмеген бөлігін бас бостандығынан айыру жазасына ауыстыру бойынша пробацияның ұсынымдарын барынша қанағаттандыру мәселелері сөз болды.
Шымкент қаласы және Түркістан облысы бойынша ҚАЖД-ның баспасөз қызметі.
