Биыл жұмыспен қамтудың белсенді шараларына Жетісу облысында 29 мыңдай жұмыссыз және өзін-өзі жұмыспен қамтыған азаматтар тартылды. Соның нәтижесінде жұмыссыздық деңгейі былтырғымен салыстырғанда 5,1%-дан 4,8%-ға, өзін-өзі жұмыспен қамтығандардың үлесі 32%-дан 28%-ға азайды. Бұл туралы бүгін Орталық коммуникациялар қызметіндегі брифинг кезінде Жетісу облысының әкімі Бейбіт Исабаев айтты, — деп хабарлайды Жетісу облысы әкімінің баспасөз қызметі.
— Өңірде халықтың орташа табысы биыл ІІІ тоқсанда өткен жылдың сәйкес кезеңіне 17,9%-ға өсіп, 120,9 мың теңгені құрады, орташа жалақы – 21,1%-ға артты. Әрине, бұл көрсеткіштер әлі де болса республиканың орташа көрсеткішінен төмен қалып отыр. Осы бағыттағы жұмысты бұдан әрі де жалғастырамыз», — деді Б. Исабаев.
Жетісу облысы әкімінің баспасөз қызметі
