Ақтөбе облысы бойынша ҚАЖ Департаментіне қарасты Хромтау аудандық пробация қызметінде есепте тұрған азамат күніне 4 сағаттан Хромтау қаласының әкімдігі белгілеп берген қоғамдық жұмыстарды атқарып келеді.
Ол бұған дейін Ақтөбе қаласының теміржол вокзалында есірткі қабылдаған масаң күйінде құқық қорғау қызметкерлеріне ұсталып, тінту кезінде оның күртешесінің қалтасынан есірткі заты табылған болатын.
Аталғандарға байланысты Сот үкімімен 80 сағаттық қоғамдық жұмысқа тарту түріндегі жаза тағайындалып, пробация қызметінің есебіне алынғаннан кейін, пробация қызметкерлері сотталғанға профилактикалық әңгімелесу барысында жаза өтеудің шарттары мен жаза өтеудің тәртібін бұзу салдары жөнінде түсіндірді.
Профилактикалық әңгімелесуден оң нәтиже шығарған есептегі сотталған қазіргі таңда жазасын өтеп келеді.
