Елордалық № 3 қауіпсіздігі төмен мекемесінде сотталғандары медициналық тексеруден өтті. Көшпелі-флюрокар сотталғандар тұрғын аймағынан шықпай тексеруден өтіп, қан алынды. Мекемеге келгеннен кейін сотталғандар міндетті медициналық тексеруден өтеді. Ал бұл профилактикалық медициналық тексеру жұқпалы және басқа ауруларды уақтылы анықтау мақсатында жүргізілді. Мекемеде 6 ай және одан да көп ұсталынып жатқан сотталғандар, сондай-ақ шағымдары мен айғақтары бар кез келген сотталған тексеруден өтті. Осылайша 184 сотталған тексерілді.