Астана қаласы бойынша Қылмыстық-атқару жүйесі Департаментіне қарасты №3 мекемесінде 8 наурыз Халықаралық әйелдер күні мейрам тойланды. Әль-Фараби айтқандай, « Ең бақытты қоғам – әйел күлкісі көп естілетін қоғам». Жазасын өтеп жатқан әйел азаматшаларға, көтеріңкі көңіл-күй сыйлау мақсатында, арнайы концерттік бағдарлама ұсынылып сотталған ер азаматтар көңілді әуен шырқап, сахналық көрініспен, өлең-жыр шұмақтарын оқып берді. Мұндай іс-шаралар мекеме аумағында жыл сайын өткізіліп отырады, бұл жазасын өтеп жатқан нәзік жанды әйелдер үшін әсерлі көңіл-күй сыйлайды деді: Мекеме бастығының тәрбие жұмысы бойынша орынбасары әділет майоры М.Жакишев.
«Әйел деген әдемі ғой, әдемі, Әдемілік бізге көптік етпейді», деген ақын Мұқағали Мақатаевтың өлеңімен концерттік бағдарлама аяқталды.
