Астана қаласы бойынша ҚАЖ департаментінің №2 мекемесінде Л. Гумилев атындағы Еуразия ұлттық университетінің докторанты және әлеуметтік жұмыс магистрі Долида Мұқашева және ұлттық алдын алу тетігінің мүшесі Аягөз Әубәкірова 2015 жылы БҰҰ Бас Ассамблеясы бекіткен «Нельсон Мандела ережелері» атты тақырыпта дәріс оқыды. Нельсон Мандела ережелерінің негізінде тұтқындардың адами тұлғасының қадір-қасиеті мен құндылығын құрметтеу және азаптаулар мен қатыгездіктің басқа түрлерінің алдын алу міндеті жатыр.
«Халықаралық құқық нормаларын, атап айтқанда Нельсон Мандела ережелерін білу, адам құқықтары мен бостандықтарын қорғаудың негізгі бағыттарының бірі болып табылады, ол бірінші кезекте сотталғандармен жұмыс істеу кезінде сақталуы тиіс»,- деп айтады №2 мекеме бастығының орынбасары әділет подполковнигі Еркен Миржанов.
