Ақтөбе облысы бойынша ҚАЖД Шалқар аудандық пробация қызметі жаза өтеу тәртібін бұзған сотталғандардың жаза өтеу тәртібі бас бостандығынан айыру жазасына ауыстырылатындығы жөніндегі Ақпарат бұрышын дайындап, пробация есебінде тұрған әр сотталғанмен жеке- жеке профилактикалық жұмыстар жүргізуде.
Аталған жұмыстар ҚР Бас Прокуратурасы 2-қызметімен және ҚР ІІМ ҚАЖ комитетімен 2023 жылдың бірінші жарты жылдығына бекітілген Пробация қызметінің есеп берушілерінің арасында жаңа қылмыстық құқық бұзушылықтарды төмендету жөніндегі бірлескен іс-шараларды орындау шеңберінде атқарылып жатыр.
