Ақтөбе облысы бойынша ҚАЖ Департаментіне қарасты Ырғыз ауданының пробация қызметінің есебінде тұрған сотталғандармен «Аңсар» қоғамдық бірлестігінің дінтанушы теолог маманы Ұзақбай Әділжан «Теріс ағымның кері әсері», «Дін және тәрбие» тақырыбында кездесу ұйымдастырды.
Дінтанушы кездесуде сотталғандарға жат ағым жөнінде мағлұматтар беріп, дін-экстремизм турасында түсіндірме жұмыстарын жүргізді.
Дінтанушы теолог маман Ұзақбай Әділжан кездесу барысында сондай- ақ, пробация қызметінің есебінде тұрған сотталған жастарды әлеуметтік желідегі дінге бағытталған түсініксіз ақпараттардан аулақ болуға, таратпауға шақырды.
Іс- шараның мақсаты — сотталғандар арасында теріс ағымның кері әсерін түсіндіру, діни сауаттылықты арттыру, дінге дұрыс көзқарас қалыптастыру. Сонымен қатар, есепте тұрған сотталған азаматтарға деструктивті діни ағымдандардың сипаты және олардан сақтану жолдарын түсіндіру болып табылады.
Гүлфайруз Төремұратова,
Ақтөбе облысы бойынша ҚАЖ Департаментінің баспасөз хатшысы
