Ақтөбе облысы бойынша ҚАЖ Департаменті және департаментке бағынысты №9 мекемесінің ұйымдастыруымен, 16 желтоқсан — Қазақстан Республикасының тәуелсіздігі мерекесіне орай волейболдан жарыс өтті.
Волейболдан өткен ашық турнирде ҚАЖ Департаментіне бағынысты №8, №9 және №70 мекемелерінің қызметкерлері мен сала ардагерлері бақ сынасты.
Турнирді салтанатты түрде ашқан Ақтөбе облысы бойынша ҚАЖ Департаменті бастығының орынбасары әділет полковнигі Бақытжан Илюпов, жарысқа қатысушыларға сәттілік пен жеңіс тіледі. Бұдан кейін сөз алған турнир қонақтары: Ақтөбе заң институтының Динамо ДШ қоғамының мүшесі Валерий Синяков және Ақтөбе облысы бойынша ҚАЖ департаментінің ардагерлер қоғамының төрағасы Сақыткерей Баймағамбетов құттықтау сөздерін жолдады.
Барлығы 5 команда қатысып, тартысты өткен турнирде 3 орынды- №70 мекемесінің қызметкерлерінен құралған команда қанжығасына байласа, 2 орынға — Ақтөбе облысының ҚАЖ ардагерлері командасы ие болды. Ал турнирдің жеңімпазы болып, Бас жүлдені №9 мекемесінің қызметкерлері жеңіп алды.
Турнирдің жүлдегерлері мен жеңімпаздары ұйымдастырушылардың атынан грамоталар, медальдар жане кубоктармен марапатталды. Сонымен қатар, әр команданың үздік бір ойыншысы арнайы сыйлықтармен марапатталды.
