Ақтөбе облысы бойынша Қылмыстық-атқару жүйесі Департаментіне бағынысты №8 түзеу мекемесінің кітапхана қоры 44 жаңа әдеби кітаптармен толықты.
Әдеби кітаптарды С.Бәйішев атындағы Ақтөбе облыстық әмбебап ғылыми кітапхана қоры тарту етті. Сыйға берілген кітаптардың ішінде қазақтың зиялы тұлғаларының, сондай-ақ шетелдің жазушыларының классикалық шығармалары бар.
Жалпы, кітапхана сөресін толықтырған әдебиеттер № 8 түзеу мекемесі және С.Бәйішев атындағы Ақтөбе облыстық әмбебаб ғылыми кітапханасымен бірлескен жоспар аясында жүзеге асқан. Сонымен қатар, тәрбиелік ықпал ету жұмыстарының бір бағыты ретінде № 8 түзеу мекемесінде сотталған азаматтардың білім және мәдени деңгейін арттыру қарастырылған. Бұл орайда мекемеде бас бостандығынан айырылған азаматтармен тәрбиелік мәні бар шаралар жүйелі жүргізіледі. Соның бірі- жазасын өтеушілер ішкі күн тәртәбіне сәйкес, мекеме кітапханасынан қажетті кітаптарды оқи алады.
Гүлфайруз Төремұратова,
Ақтөбе облысы бойынша ҚАЖД баспасөз хатшысы
