Алматы облысы және Жетісу облысы бойынша ҚАЖД қарасты Ақсу аудандық пробация қызметі сотталғандарға арнайы көрсеткіш сот ұйымдастырды.
Ақсу аудандық пробация есебінде тұратын сотталғандар қатысуымен, бас бостандығын шектеу жазасын бас бостандығынан айыру жазасына ауыстыру туралы сот процессі ашық түрде өтті.
Іс-шараның басты мақсаты — пробация есебінде тұрған сотталғандарға, жаза өтеу тәртібін бұзу әрекеттерінің алдын алып, іс жүзінде зардаптарын көрсету.
Сотта қарастырылған, пробация бөлімінің ұсынысы қанағаттандырылып, жаза өтеу шарттарын бұзғаны үшін бас бостандығынан шектеу жазасы бас бостандығынан айыру жазасына ауыстырылды. Бұл сот процесі пробация есебінде тұрған сотталғандарға жаза өтеудегі міндеттерін бұзбауына үлгі болды.
