Абай облысы бойынша ҚАЖ департаментінің Үржар аудандық №1 пробация қызметі қызметкерлерімен, аудандық сот ғимаратында аудандық сот төрайымының қатысуымен дөңгелек үстел өткізілді. Бұл жиын барысында қоғамнан оқшаулаумен байланысты емес жазаларға сотталып, пробация қызметінің есебінде тұрған азаматтардың заң талаптарына сай жаза өтеуден босатылуы немесе жаза түрін өрескел бұзу деректері бойынша жаза түрлерін бас бостандығынан айыру жаза түрлеріне ауыстыру кезінде сотқа ұсынылатын іс-құжаттардың заң аясында толық және сапалы жинақталуы сонымен қатар қызмет атқару кезінде туындайтын басқада сұрақтарға ұтымды жауаптар алынды.
Бұл іс-шараның негізгі мақсаты пробация қызметтерімен сот жүйесінің бірлесе қызмет атқаруын жандандыру, заң талаптарының қатаң сақталуын қадағалау болып табылады.
Алдағы уақыттардада бұл бағыттардағы жұмыстар жалғасын тауып пробация қызметінің жұмыстарын жандандыру жұмыстары жүргізіле бермек.
Абай облысы бойынша ҚАЖД
Үржар аудандық №1 ПҚБ
бастығы әділет майоры Ерденбеков Бауыржан Айткалиевич
