Елордалық ҚАЖД №2 мекемесінде Қазақстан Республикасы ІІМ Шракбек Қабылбаев атындағы Қостанай академиясының экстремистік идеологияға қарсы іс-қимыл ҚАЖ мамандарын даярлау орталығының бастығы, полиция подполковнигі Мырзабек Түйғанов «деструктивті діни ағымдардың идеологиясының ұлттық санаға әсері» тақырыбында дәріс өткізді.
Сабақ барысында деструктивті діни ағымның мәні, белгілері, олардың ұлттық бірегейлікке және адамның өзінің төл мәдениетімен байланысына жойқын әсері көрсетілді. Дәріскер Қазақстанның қазіргі мемлекеттілігінің негізі ретінде, ұлттық ерліктің тарихи мысалдарын келтірді.
Тыңдаушылар ризашылықтарын білдіріп, осы тақырыпта тағы да кездесуге ниет білдірді.
