Абай облысы ҚАЖД №20 мекемесінде Шіркеу мен Мешіт өкілдері бірлесе отырып, сотталғандармен 1 наурыз «Алғыс айту» күніне орай іс-шара өткізді.
Өткізілген іс-шараға қалалық акимат өкілі мен дін мәселелерін зерттеу орталығының мамандары және орталық мешіт имамы, шіркеу қызметкері қатысты.
Сотталғандарға «Менің Қазақстаным» тақырыбында тәрбиелік маңызы зор бейне жазабалар көрсетілді. Сондай-ақ жазықсыз жапа шеккен Отан сатқындары әйелдерінің Ақмола лагеріндегі ел жайсаңдарының зайыптары, қыздары мен қарындастарының тағдырларынан естеліктер айтылып, қиын-қыстау заманда қарапайым қазақ халқынының көрсеткен жақсылықтары үшін алғыстары жайында мысалдар келтіріп өтті.
«Ақмола лагерінің тұтқындарының бірі Гертурд Платайстің естелігінен үзінді келтіре кеткім келеді. Шаршап-қалжыраған тұтқын айелдерге қарапайым ауыл тұрғындарының балалары тас лақтырады, балалардың бұл ісіне кейіген тұтқын айелдер кейінен лақтырған тас емес құрт болғанын түсінеді. Сондай-ақ қойшылар бұта-бұтаның түбіне кейде нан, кейде ет тастап, әйелдерге белгі беріп отырғаны жайлы, саяси қуғын-сүргіннің құрбандарының қазақ халқына деген алығыстары жайлы айтылды»,- деді дін мәселесін зерттеу орталығының кызметкері.
«Шіркеу мен Мешіт өкілдеріне бүгінгі күн үшін үлкен алғыс білдіргім келеді. Бүгінгі іс-шара өте қызықты, танымды өтті. Әсіресе жазықсыздан-жазықсыз жапа шеккен әйелдер тағдырынан келтірілген мысалдар, оларға қарапайым қазақ халқының жасаған жақсылықтары жайлы айтылған мысалдары өте әсерлі болды, тіпті осы оқиғаға байланысты «Құрт – қымбат тас» деген өлеңніңде бар екенін білдік», -деді сотталған А.
