Қаңтар айындағы оқиғалар кезінде қаза тапқан әділет прапорщигі Ербол Ержановты еске алу үшін Алматы және Жетісу облыстары бойынша ҚАЖД қарасты №49 мекеме футболдан турнир өткізді, деп хабарлайды баспасөз қызметі.
Алматы және Жетісу облыстары бойынша ҚАЖД қарасты №49 мекеменің ұйымдастыруымен, Алматы облыстық спорттық-бұқаралық іс-шаралар өткізу орталығының қолдауымен, қаңтар оқиғалары кезінде қаза тапқан №71 мекемесінің қызметкері Ербол Ержановты еске алуға футболдан турнир өткізілді.
Салтанатты шара бір минут үнсіздікпен басталды. Турнирге ведомстволық бағынысты мекемелер, сондай-ақ Алматы және Жетісу облыстары бойынша ҚАЖ Департаменті командасы қатысты.
Іс-шараның қадірлі қонақтары қатарында, Алматы облыстық спорттық-бұқаралық іс-шаралар өткізу орталығы директорының орынбасары Сұлтан Шадман Өмірбекұлы және ҚАЖ Департаментінің басшылығы болды.
«Ерлікпен қаза тапқан Ербол Ержановтың есімі біздің жадымызда мәңгі қалады. Мұндай іс — шаралар көбінесе батырларды еске алуға арналады, сонымен қатар салауатты өмір салтын ынталандыру және ҚАЖ қызметкерлері арасында дене шынықтыру мен спортты дамытудың жақсы үлгісі болып табылады», — деп атап өтті ҚАЖД бастығының орынбасары Жаныбек Қосжанов.
Турнирде бірінші орынды Алматы және Жетісу облыстары бойынша ҚАЖ Департаменті, екінші орынды №10 мекеме және үшінші орынды №12 мекеме командалары иеленді.
Жеңімпаздарға кубоктар, грамоталар, медальдар және сыйлықтар табыс етілді.
