Алматыда әрбір алтыншы бағдаршамға жасанды интеллект жүйесі енгізілді, — деп хабарлайды Tengrinews.kz тілшісі.
Полиция мәліметінше, қалада 580-ге жуық бағдаршам бар. Олардың 98-і жасанды интеллект көмегімен жұмыс істейді, бірақ тек сынақ режимінде.
«Қазірдің өзінде пилоттық бірінші кезеңді жүзеге асырдық: қалада 98 бағдаршам нысаны жабдықталды. Екінші кезеңге сәйкес, қалалық мобилділік бөлімі биыл жүзеге асыруға дайындық үстінде. Қаладағы барлық бағдаршам толығымен қамтылады. Қаржы бөлінгенде, олар бұл жұмысты жалғастырады», — деді Алматы қалалық Полиция департаменті Әкімшілік полиция басқармасы бастығының орынбасары Болатбек Баятанов.
Сондай-ақ, ол жасанды интеллект жүйесінің қиылыстарда қалай жұмыс істейтінін түсіндірді.
«Ол қиылысқа жақындап келе жатқан көлік ағынын автоматты түрде бақылап және максимал өтуді қамтамасыз етеді», — деді Алматы қаласы ПД ӘПБ өкілі.
