Алматыда Медеу — Шымбұлақ жолында 4 «Сергек» камерасы орнатылды, — деп хабарлайды Tengrinews.kz тілшісі қала әкімдігі мәліметіне сілтеме жасап.
Алматыда Медеу-Шымбұлақ автожолында жылдамдығы 40 км/сағатқа шектелген «Сергек» аппараттық-бағдарламалық кешенінің 4 камерасы орнатылған. Олар Медеу биік таулы мұз айдынының шлагбаумынан Шымбұлақ тау шаңғысы курортына дейінгі ұзындығы 7 шақырым учаскеде орналасқан.
«Бұл жаяу жүргіншілер ағынының және көрсетілген бағыт бойынша жүретін электромобильдер санының артуына байланысты адамдардың қауіпсіздігін қамтамасыз етуге көмектеседі. Жол қозғалысы ережелерін тіркеу биыл 1 желтоқсанынан басталады», — делінген хабарламада.
