Елордалық ҚАЖ Департаментінде №2 мекемесіндегі (төтенше қауіпсіздік мекемесі) азаптаулардың және басқа да қатыгез, адамгершілікке жатпайтын немесе ар-намысты қорлайтын емдеу мен жазалау түрлерінің алдын алу мәселесі бойынша ведомствоаралық кеңес өтті. Осы кеңесті Астана қаласы бойынша ҚАЖ департаментінің басшылығы ұйымдастырды.
Кеңес жұмысына Ақмола облысы прокурорының бірінші орынбасары В.М. Малахов, Ақмола гарнизоны әскери прокуратурасының прокуроры Д. М. Жұмажан, Аршалы ауданының прокуроры Т. Ж. Оспанов, ҚР ҰҰ 6505 әскери бөлімі командирінің бірінші орынбасары К. Ж. Тукешев, Астана қаласы бойынша Ұлттық алдын алу тетігі қатысушылар тобының жетекшісі Ж. М. Досетова қатысты.
Кеңесті аша отырып, Астана қаласы бойынша ҚАЖ департаментінің бастығы әділет полковнигі Д.Б. Рахимбеков №2 мекемеде азаптаудың алдын алу және оған қарсы іс-қимыл бойынша жүйелі жұмыс жүргізіліп жатқанын, қабылданып жатқан шаралардың арқасында қызметкерлерді сотталғандарға қатысты азаптауды қолданғаны үшін қылмыстық жауапкершілікке тарту фактілері анықталмағанын атап өтті.
«Мемлекет басшысының тапсырмасына сәйкес, азаптауды қолдану жөніндегі қылмыстық істер прокуратураның айрықша юрисдикциясына жатқызылған. Құқық қорғау органдарының қызметкерлері өз қызметінде рұқсат етілмеген әдістерді пайдаланбауға тиіс. Сотталғандардың шағымдары және азаптау туралы басқа да фактілер кезінде дәлелді база, атап айтқанда бейнежазба болмаған жағдайда, кінәлілік қызметкерге қатысты түсіндірілетін болады», — деді Ақмола облысы прокурорының бірінші орынбасары Д. М. Малахов өз сөзінде.
Бұдан басқа, оларға азаптаулардың алдын алу бойынша, атап айтқанда үздіксіз бейнебақылауды енгізу, қызметкерлердің тасымалды бейнетіркегіштерді үнемі пайдалануы және сотталғандардың өтініш беру құқығын, оның ішінде электрондық өтініштерге арналған терминал арқылы іске асыру жөніндегі жұмыстарды аяқтау бойынша ұсынымдар берілді.
Сондай-ақ, кеңес барысында Астана қаласы бойынша Ұлттық алдын алу тетігі қатысушылары тобының жетекшісі Ж. М. Досетованың азаптауға қарсы іс-қимыл және сотталғандардың мінез-құлқын бақылау және қадағалау, суицид және дене жарақатын келтіру фактілерінің алдын алу жөніндегі бірлескен жұмысты жақсарту, Қазақстан Республикасы Ұлттық ұланының 6505 әскери бөлімінің №2 мекемесі бойынша ұсыныстары тыңдалды.
