Шара басталмас бұрын мекеме қызметкерлері келгендерге оны өткізудің жоспары туралы айтып, сонымен қатар тыйым салынған аумақта өзін-өзі ұстау және тыйым салынған заттардың заңсыз әкелінуіне жол бермеу жөнінде нұсқау берді.
Туыстары үшін қызметкерлердің сүйемелдеуімен мекеме аумағына экскурсия ұйымдастырылды. Қонақтар асхананы, кітапхананы, отрядтарды аралады.
Мекеменің клуб-асханасында қонақтар үшін шағын шай дастарханы ұйымдастырылып, сотталғандар мен олардың туыстары бейресми жағдайда тілдесіп, сонымен қатар мекеме әкімшілігінің өкілдеріне өздерін толғандырған сұрақтарын қоя алды.
-мұндай іс-шараларды өткізу сотталғандар арасында моральдық-психологиялық ахуалға оң әсерін тигізіп, туыстық байланысты қалыптастыруға көмектеседі, — деді сотталғандар арасындағы тәрбие және әлеуметтік-психологиялық жұмыстар бөлімінің бастығы Мұрат Сагымбаев.
