Абай облысында үстел теннисінен жарыс өткізіліп, оған Абай ауданының жастары мен пробация қызметінің есебінде тұрған тұлғалар қатысты. Турнир Жастар ресурстық орталығының құрылғанына 10 жыл толуына арналды.
Бұл жарыс Жастар ресурстық орталығы мен Абайй аудандық пробация қызметі бірлесе өткізілді.
Теннис — қатысушылардың қозғалыс жылдамдығын, шабуылдың шапшандығын және техникалық қиыстырулардың кенеттілігін талап ететін спорт болғандықтан, ойын өте қызықты және тартысты өтті.
Жарыс қортындысы бойынша сот мүшелері бірауыздан пробация қызметінің есебінде тұрған Көкбай ауылының тұрғынына бірінші орынды берді.
Пробация қызметінің аға инспекторы әділет аға лейтенанты Талант Смағамбетов жарыс қатысушыларына зор денсаулық тілеп, жеңімпаздарды дипломдармен, медальдармен және бағалы сыйлықтармен марапаттады, сондай –ақ алдағы уақытта бұл іс – шаралар болашақта дәстүрлі түрде өткізілетінің атап өтті.
