Мақтаарал полициясына жергілікті тұрғын арызданды. Жәбірленуші жас жігіттің айтуынша, оның атынан белгісіз біреулер несие алған. Аталған жайт ҚР ҚК-нің 190-бабы «Алаяқтық» бойынша тіркелді.
Арызданушының шағымына сәйкес, орын алған алаяқтық қылмысын ашып, күдіктіні анықтау мақсатында жедел уәкілдер қажетті іс-шараларды жүргізді. Нәтижесінде полицейлер жәбірленушінің өзі екенін анықтады.
Белгілі болғандай жәбірленуші өзінің атынан микроқаржылық ұйымнан несие алып, қарызын қайтара алмай қалған. Содан біраз уақыт өткен соң, банк қызметкерлері жәбірленушінің ата-анасына хабарласып, баласының несиесін төлемей жүргенін жеткізген. Осы сәтте жәбірленуші жас жігіт отбасына білдіртпес үшін бұл несиеге өзінің еш қатысы жоқ екенін, алаятардың құрбаны болғанын айтып жалған ақпарат берген. Бүгінге таңда жәбірленуші өз қателігін мойындап алдағы уақытта мұндай қателіктерге жол бермейтінін жеткізді.
Түркістан облысы ПД баспасөз қызметі
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
