2025 жылғы 9 мамыр күні Ұлы Жеңістің 80 жылдығына орай 79-мекемесінде тәрбие бөлімінің ұйымдастыруымен сотталған азаматшалар үшін арнайы киносеанс өткізілді. Бұл іс-шараның мақсаты – Отан үшін жанын пида еткен ардагерлерге құрмет көрсету және жас буынның бойында патриоттық сезімді қалыптастыру.
Киносеанс аясында Ұлы Отан соғысы тақырыбындағы тарихи-патриоттық фильм көрсетілді. Көрсетілім барысында сотталған азаматшалар соғыс кезіндегі ерлік пен қайсарлықты, бейбіт өмірдің қадірін терең сезініп, ерекше әсер алды. Фильм соңында көрермендер арасында пікір алмасу ұйымдастырылып, әрбірі өз ойымен бөлісті.
Мекеме әкімшілігі мұндай шаралар сотталған азаматшалардың рухани тәрбиесіне, тарихи жадыны жаңғыртуға және оң әлеуметтік көзқарас қалыптастыруға ықпал ететінін атап өтті. Киносеанс – тек мәдени шара ғана емес, өткенге тағзым мен бүгінгі бейбіт өмірге алғыс білдірудің де бір көрінісі болды.
Іс-шара жоғары деңгейде ұйымдастырылып, жылы атмосферада өтті. Қатысушылар тарапынан ризашылық білдіріліп, алдағы уақытта да осындай тәрбиелік бағыттағы шаралар жалғасын табатыны айтылды.
