«Жасыл даму» АҚ басқарма төрағасы болып Ержан Сәрсенбай тағайындалды. Бұған дейін бұл қызметті Жанат Самат атқарған, деп хабарлайды Zakon.kz.
Ержан Сәрсенбайдың еңбек өтілі:
- Ержан Сәрсенбай 2001 жылдың қарашасынан 2006 жылдың шілдесіне дейін Қазақстан Республикасы Қаржы министрлігінде жетекші маманнан бөлім бастығына дейін қызмет атқарды.
- 2006 жылғы шілдеден 2007 жылғы сәуірге дейін — Қазақстан Республикасы Премьер-Министрі Кеңсесінің Әлеуметтік-мәдени даму бөлімінің ғылым және инновациялар секторының меңгерушісі.
- 2007 жылғы мамырдан 2010 жылғы қарашаға дейін — «Қазақстанның Даму Банкі» АҚ Жобалар бойынша агенттік қызмет көрсету департаментінің басшысы.
- 2011 жылғы мамырдан 2014 жылғы ақпанға дейін — «Азық-түлік корпорациясы» ҰК» АҚ Несиелеу және несиелік әкімшілендіру департаментінің директоры.
- 2015 жылғы қаңтардан 2017 жылғы ақпанға дейін – Қазақстан Республикасы Ұлттық экономика министрлігі Экономика салаларын дамыту департаменті директорының орынбасары.
- 2017 жылғы ақпаннан 2021 жылғы ақпанға дейін – Қазақстан Республикасы Ұлттық экономика министрлігінің Мемлекеттік міндеттемелерді басқару және қаржы секторын дамыту департаментінің директоры.
- 2021 жылдың ақпанынан 2022 жылдың ақпанына дейін – «Қазақстандық мемлекеттік-жекеменшік әріптестік орталығы» АҚ басқарма төрағасы.
Бұған дейін Жанат Самат «Жасыл даму» АҚ басқарма төрағасы қызметінен кеткені белгілі болған еді. Ол бұл қызметті 2022 жылдың 1 ақпанынан бастап атқарды.
