Жастар ресурстық орталығының ұйымдастыруымен жастардың қатысуымен «Жастардың бойында рухани құндылықтарды қалыптастыру мәселелері» тақырыбында дөңгелек үстел өтті. Осы шараға Қызылорда қалалық пробация қызметінің есебіндегі сотталғандар да қатысты. Кездесуге Қызылорда облысы дін істер басқармасы, Дін мәселелерін зерттеу орталығының маманы, Республикалық діни экстремизм және терроризмге қарсы түсіндірме топтың мүшесі, «Сыр дидары» газетінің редакторы Сәкен Мінуарұлы Алдашбаев қатысып, жастарға рухани құндылықтар туралы дәріс оқыды.
Қалалық жұмыспен қамту орталығының бөлім басшысы А.Самыратов жастардың жұмыспен қамтылуы, жеке кәсіп ашуға мемлекет тарапынан берілетін көмектер туралы айтып өтті.
Кездесу соңында пробация есебіндегі азаматтар да көкейлерінде жүрген сұрақтарын қойып, мамандардан тұщымды жауаптарын алды.
