«Заң және тәртіп» тұжырымдамасына сәйкес, жастар арасында заңға құрмет қалыптастыру бағытында Әлихан Бөкейханов атындағы №1 мектеп-гимназиясының оқушыларымен кездесу өтті.
Жиынға Тараз қаласы №2 сотының судьясы Б.Төребекұлы, Жамбыл облыстық адвокаттар алқасының адвокаты А.Арзымбетова қатысты.
Жиында оқушылар заң үстемдігі, қоғамдағы тәртіп пен заңның өзара байланысы, құқықтық мемлекет қалыптастырудағы сот жүйесінің рөлі жайында жан-жақты ақпарат алды.
Оқушыларға дәрістер оқылып, құқықтық сана — заң мен тәртіпті сақтаудың алғышарты, ал заң мен тәртіп — тұрақты қоғам кепілі екендігі жөнінде түсіндірме жұмыстары жүргізілді.
Сандуғаш Бештаева жетекшілік ететін Ә. Бөкейханов атындағы №1 мектеп-гимназияның 8-сынып оқушылары жиын соңында көкейкесті сұрақтарға жауап алып, пікір алмасып, сот және заңгер маманының жұмыстарымен толық танысты.
Тараз қаласы №2 сотының баспасөз қызметі
