Алматы сән және қызмет көрсету саласы колледжі директорының орынбасары Омарова Күнімай Нурлыбаевнаның ұйымдастырумен «Жасөспірімдердің қылмыстық жауапкершілігі» деген тақырыпта іс-шара өтті. Оған Алматы қаласы Қылмыстық-атқару жүйесі департаментіне қарасы №11 мекеменің қызметкерлері – режим және күзет бөлімінің бастығы әділет майоры Канафин Азамат Бауыржанович, мекеме бастығының кезекші көмекшісі әділет майоры Мустафаев Анар Мехти-оглы және режим және күзет бөлімінің бақылаушысы әділет сержанты Азамат Молдабек қатысты. Кездесу барысында балалар колониясының қызметкерлері жеткіншектерге заңдар, олардың артықшылықтары, құқықтық жауапкершілік жалпы заң туралы түсіндірме жұмыстар жүргізді. Студенттер қойған сұрақтарға жауап берді. Кездесудің мақсаты – Жастардың құқықтық білімдерін тексере отырып заң алдындағы жауапкершілікті арттыру, қылымыстық жауапкершілік туралы түснік беру. Конституция т.б құқықтық нормативтік актілерді орындап, құрметей білуге үйрету, адамгершілікке ұлтжандылыққа, жас ұрпақты құқықытық сауаттылыққа тәбиелеу.
Сондай-ақ, құқықтық тәрбие туралы тарқатып, кәмелетке толмағандар арасында заң ұғымдарын насихаттай отырып, білімін жетілдіру, жасөспірімдердің жамандыққа ұрынып қалмай, қауіпсіз ортаны өздері де қалыптастыра алатынын түсіндіру болып табылады.
№11 мекеме Еркегүл Жеңісхан
