Түркіменстанда 14 жасар дзюдошы Сүлеймен Тұрсынбаев жарыста Түркменстан ІІМ жоғары оқу орнының курсантына жеңілуден бас тартқаннан кейін қаза тапты, деп хабарлайды Stan.kz ақпарат агенттігі.
Ақпан айының басында Ахал облысының Бахарден ауданындағы турнир болған. Финалдық жекпе-жек алдында Сүлейменге қарсыласынан жеңілуді ұсынған, бірақ ол бас тартып, лайықты түрде чемпион атанған.
Жарыс аяқталғаннан кейін, спорттық формадағы белгісіз жастар жаттықтырушыға шабуылдап, оны аяусыз ұрып-соғып, жеңімпаз жігітті белгісіз бағытқа алып кеткен. Жасөспірім де аяусыз ұрып-соғып, көшеге өлімші күйде тастап кеткен.
Turkmen.news басылымының мәліметінше, кездейсоқ өтіп бара жатқан адамдар жедел жәрдем шақырған. Жасөспірімді Ашхабадтағы ауруханалардың біріне апарған, бірақ дәрігерлер Сүлейменге көмек көрсетуден бас тартқан. Оны тұрғылықты жеріндегі ауруханаға, 500 шақырымнан артық — Дашогуз велаятының Куняургенчский этрапына апаруға кеңес берген. Спортшыны астанадан алып, аудандық ауруханаға жеткізген. Спортшы бірнеше күннен кейін көз жұмған.
Қайғыға батқан ата-анасы Зияда Ходжакова мен Матьякуб Тұрсынбаев Түрікменстан президенті Гурбангулы Бердімұхамедовқа үндеу жолдады.
«Біздің ұлымызды бір топ адам ұрды, оған қол тигізу мүмкін емес еді, ол бүкіл денесі ауырғанын айтты. Олар оның бауырын месивоға айналдырды, оның бас сүйегі жарылды», — дейді Сүлейменнің ата-анасы.
Сүлейменнің көзі тірі кезінде түсірілген қысқа бейнематериалдарда аурухана төсегі қанға боялғанын көруге болады.
«Ұлымыз Америкада Түрікменстанның туын көтеріп, чемпион болуды армандады, ол Түрікменстан президентінің өзі қолын алатыынын айтатын. Мен кінәлілерді заң бойынша әділетті жазалауды талап етемін!», — дейді Сүлейменнің анасы.
Сүлейман Тұрсынбаев туралы материал жарияланғаннан кейін Turkmen.news сайтына жасөспірімнің қарсыласы мемлекет басшысының ұлы Сердар Бердімұхамедовтің әйелінің туысы екені туралы жасырын хабарлама келген.
«Біз бұл ақпаратты растай да, теріске шығара да алмаймыз. Дәл сол дереккөз прокуратураға кісі өлтіруді тергемеу туралы нұсқау берілгенін айтты, өйткені Сүлейман сәтсіз құлап, оған ешнәрсе болған жоқ екен», — деп жазды басылым.
