Алматы қаласы әкімінің міндетін атқарушы Ерболат Досаев тұрғындардың автобустарға қатысты шағымына жауап берді, — деп хабарлайды Tengrinews.kz тілшісі.
Бұл туралы ол Түрксіб өңірінің тұрғындарымен кездесуінде айтты.
«(…) Мектеп те, балабақша да орналасқан Магнитная көшесі бойымен бір ғана №74 автобус жүреді, тағы бір бағыт қосуға бола ма» – деп аудан тұрғындарының бірі әкімге сұрақ қойды.
«Жылжымалы құрамды жаңартып жатырмыз. 300 автобус сатып аламыз. Бұл учаскені интервал бойынша өлшейміз. Қажет болса, маршрутқа автобустар қосамыз», — деді Досаев.
«74-бағыт кесте бойынша жүреді. Тасымалдаушы — «Алматыэлектротранс», 10 жылжымалы құрам қозғалысты толығымен қамтиды. Қозғалыс аралығы 12-15 минут», — деп қосты Қалалық мобильділік басқармасы басшысының орынбасары Ернұр Әбжахан.
