Қазіргі геосаяси ахуал Қазақстан үшін жаңа сын-қатерлермен қатар, тың мүмкіндіктер терезесін де ашып отыр. Ресей–Украина соғысы салдарынан қалыптасқан санкциялық қысым мен жеткізу тізбектерінің үзілуі дəстүрлі сауда бағыттарын қайта қарауға мəжбүр етті.
Осы жағдайда Қазақстан Еуразия кеңістігіндегі транзиттік рөлін күшейтіп, «Орта дəліз» арқылы Еуропалық Одақ, Қытай жəне Орталық Азия елдері арасындағы логистикалық байланыстың маңызды буынына айналып келеді. Бұл бағыттағы инфрақұрылымдық инвес тициялар мен саяси келісімдер елдің ұзақмерзімді стратегиялық позициясын нығайтуға ықпал етеді. Экономикалық тұрғыда жаһандық өсімнің баяулауы Халықаралық валюта қоры тарапынан да расталып отыр. Бұл – шикізатқа тəуелді экономикалар үшін тəуекел. Сондықтан Қазақстан үшін экономиканы əртараптандыру, өңдеу секторын дамыту жəне инвестициялық климатты жақсарту негізгі басымдыққа айналды. Сонымен қатар, климаттық күн тəртібі де күшейіп келеді. «Жасыл экономикаға» көшу, көміртек бейтараптығына ұмтылу – тек экологиялық емес, сонымен қатар экономикалық трансформацияның да өзегі. Технологиялық тұрғыда цифрландыру мен жасанды интеллектті енгізу мемлекеттік басқару сапасын арттырып, бизнестің бəсекеге қабілеттілігін күшейтуге бағытталған. Тоқетерін айтқанда, жаһандық тұрақсыздық кезеңінде Қазақстан үшін басты міндет – сыртқы қысымдарға бейімделе отырып, жаңа мүмкіндіктерді тиімді пайдалану. Бұл стратегиялық икемділік елдің аймақтық əрі халықаралық аренадағы орнын айқындайтын негізгі факторға айналмақ.
Айша ҚҰРМАНҒАЛИ, «Заң газеті»
