1 қыркүйектен бастап еліміздің білім беру ұйымдарында жеке қауіпсіздік сабақтары қайта басталады, — деп хабарлайды Massaget.kz тілшісі.
Оқу-ағарту министрлігі мәліметінше, бұл сабақтар балалардың түрлі жағдайда дұрыс әрекет етуге қажет дағдыларын қалыптастыруға бағытталған.
Сабақтар балабақшалардан бастап колледждерге дейін білім берудің барлық деңгейін қамтиды. Әр жас ерекшелігіне сәйкес бөлек блок әзірленген:
- балабақша — жедел қызмет нөмірлерін білу, ойын және демалыс алаңдарындағы қауіпсіздік ережелері;
- бастауыш сыныптар — судағы және мұздағы қауіпсіздік, бейтаныс адамдармен кездескенде өзін ұстау, бұралқы иттерден қорғану;
- орта буын сыныптары — буллинг пен кибербуллинг, бейтаныс адамдардың ұсыныстарынан бас тарту;
- жоғары сыныптар мен колледждер — қаржылық сауат, алаяқтардан қорғану, онлайн ойындардағы қауіп, еңбек қауіпсіздігі, өз құқығы мен міндетін білу, т.с.с.
Сабақтар әр аптада сынып сағаты аясында 10 минуттан өткізіледі және тақырыптар жылына үш рет қайталанады.
