Қазақстандық Жәнібек Әлімханұлы әлеуметтік желіде жазба жариялады, — деп хабарлайды Tengrinews.kz тілшісі Vesti.kz сайтына сілтеме жасап.
«Келесі жылы төрт белбеуді түгел алғанда, екінші орта салмақта жұдырықтасамын», — деп жазды қазақстандық боксшы.
Америкалық Деметриус Андраде орта салмақтағы WBO титулынан бас тартып, екінші орта салмаққа өтті. Сол арқылы Жәнібекпен жекпе-жекке шықпайтын болды. Басылым мәліметінше, енді Әлімханұлы оны сол дивизионда да қудалауға ниетті.
Еске салайық, мамырда Әлімханұлы британдық Дэнни Дигнумды екінші раундта нокаутқа түсіріп, WBO тұжырымы бойынша «уақытша» чемпион белбеуін жеңіп алған болатын.
