БЖЗҚ-дан төленетін зейнетақы төлемдері табыс салығынан босатылуы мүмкін. Қашан және кім шешім қабылдайды? Бұл туралы премьер-министрдің орынбасары – ұлттық экономика министрі Нұрлан Байбазаров айтып берді, — деп хабарлайды Tengrinews.kz тілшісі.
«Тағы бір ұсынып отырған мәселе — зейнетақы аударымдары бойынша жеке табыс салығын алып тастау. Жеке табыс салығының көлемі 10 пайыз. Сол 10 пайызды біз алып тастаудың есебінен зейнеткердің алатын зейнетақысының мөлшері осы 10 пайызға көтеріледі», — дейді Нұрлан Байбазаров Primeminister.kz сайтына берген сұхбатында.
Оның айтуынша, Ұлттық экономика министрлігі бұл норманы жаңа Салық кодексінен алып тастауды ұсынып отыр.
«Бірақ шешімдерді әлі Парламент пен Мемлекет басшысы қабылдайды», — деп қосты министр.