№7 (3636) 26 қаңтар 2024 Алматы облысы бойынша ҚАЖД қарасты ЛА-155/4 әйелдер колониясында мекеме психологтарының іс-шаралар өткізу жоспарына сәйкес, жазасын өтеп жатқан әйелдер арасында «Үздік психологиялық қабырға газеті» тақырыбында сайыс өткізілді.
Әр жасақ «Амазонка әйелдері», «Мантра» , «Әйелдегі мұхит» , «Басқатырғыш» , «Сенің арманыңдағы аспан-трансформациялық аффирмация» сияқты әртүрлі психологиялық тақырыптарда қабырға газеттерін дайындады.
Сотталған әйелдер қабырға газеттері тақырыбында тренинг жургізумен қатар, өз жұмыстарын таныстырды. Сайыскерлердің жұмысын «Жеті ағаш» ҚҚ-ның психологы мен өкілдері жоғары бағалап, іс-шара соныңда сайыс қорытындысы шығарылып, берілген баға жасақтардың жылдық ұпайлар жинағына енгізілді.
Жазасын өтеп жатқан әйелдер мұндай шараларға бар ынта-жігерлерімен, қызығушылықпен қатысады. Өйткені психологиялық сабақтар қоғамнан оқшауланған жандардың күнделікті өміріне жақсы әсерін тигізіп қана қоймай, болашағына деген дұрыс көзқарас қалыптастыруға негіз болады.
Алматы облысы бойынша ҚАЖД
