Әл-Фараби атындағы Қазақ ұлттық университетінің заң факультеті – еліміздегі құқықтық білім берудің көшбасшысы. Факультет биыл өзінің 70 жылдық мерейтойын атап өтуде. Бұл уақыт ішінде факультет Қазақстанның құқықтық жүйесінің қалыптасуы мен дамуына зор үлес қосып, мыңдаған білікті заңгерлерді тәрбиелеп шығарды.Алғашқы жылдары факультетіміз заң ғылымын дамыту мен мамандар даярлауға бағытталған шағын оқу орны болды. Дегенмен, уақыт өте келе ол еліміздегі ең беделді құқықтық білім ордасына айналды. Факультеттің дамуына Қазақстанның заң ғылымының көрнекті өкілдері айтарлықтай үлес қосты.Тәуелсіздік жылдары факультет жаңа реформаларға бейімделіп, білім беру бағдарламаларын халықаралық стандарттарға сәйкестендірді. Бүгінде факультет Қазақстанның құқықтық кеңістігіндегі беделді ғылыми және білім беру орталығы болып саналады.Заң факультеті жыл сайын білікті мамандарды даярлап, еліміздің құқықтық жүйесін жетілдіруге ықпал етіп келеді. Оның түлектері мемлекеттік органдарда, сот жүйесінде, прокуратурада, құқық қорғау органдарында, халықаралық ұйымдар мен бизнес секторында табысты еңбек етуде.
Факультет халықаралық деңгейде де жоғары беделге ие. Ол әлемнің жетекші заң университеттерімен әріптестік орнатқан, ал студенттері халықаралық байқаулар мен ғылыми жобаларда үздік нәтижелер көрсетіп жүр.Әртүрлі шетелдік университеттермен және ғылыми орталықтармен ынтымақтастық арқылы студенттер мен оқытушылар алмасу бағдарламалары жүзеге асырылып, заманауи құқықтық тәжірибемен және инновациямен танысу мүмкіндігі бар. Бұл халықаралық байланыстар факультеттің беделін арттырып, әлемдік құқықтық білім беру үрдістерін еліне енгізуге жағдай жасайды. Факультет болашақ заңгерлерді тәрбиелеудегі басты міндетін – әділдік, заңдылық пен азаматтық сана негізінде жоғары кәсіби мамандарды даярлауды жалғастырады. Жаңашылдыққа ұмтылу мен тұрақты даму бағыты еліміздің құқықтық жүйесін жаңа белестерге көтеруге септігін тигізеді. Заң факультеті жыл сайын мемлекет пен құқықтың өзекті мәселелері жөнінде халықаралық және республикалық конференциялардың, сонымен қатар Қазақстан Республикасы студенттері арасында құқық пәндерінен өткізілетін әртүрлі олимпиадалардың тұрақты ұйымдастырушысы болып келеді. Факультетте ғылыми оқу-әдістемелік әдебиеттің бай қоры жинақталған. Сондай-ақ, мұрағат материалдары жинақталған көне кітапханасы да бар. Заңгер мамандығын таңдап қана қоймай оны бар жан-тәніңмен қызығып ізденіп, жұмыс жасау әр түлектің Отан алдындағы парызы деп білемін. Себебі,заң саласы адам өмірінің кепілі іспеттес. Шынайы және әділетті шешімдер қабылдауға,тәртіп орнатуға,адам өмірінің қауіпсіздігіне тікелей жауапты шәкірттерімізге қоғам алдында артылар міндетте мол.
Заң факультетінің 70 жылдық тарихы – заң ғылымы мен құқықтық білімнің дамуының айқын көрсеткіші. Факультет түлектері мен профессорлық-оқытушылық құрамы еліміздің құқықтық жүйесін нығайтуға айтарлықтай үлес қосып келеді.Алдағы жылдары факультет заманауи білім беру технологияларын енгізіп, халықаралық деңгейдегі бәсекеге қабілетті мамандар даярлау ісін жалғастыра бермек. Құқықтық білім мен ғылымды дамыту жолында аянбай еңбек етіп келе жатқан заң факультетінің 70 жылдық мерейтойы құтты болсын!
Урисбаева А.А
әл-Фараби атындағы ҚазҰУ-дың заң факультеті азаматтық құқық және азаматтық іс жүргізу, еңбек құқығы кафедрасының аға оқытушысы
