Залал көлемі қомақты

Ақтөбеде жаппай тәр­тіп­сіздік барысында облыс әкімдігінің ғимараты за­қым­данды. Келген шығын шамамен 300 миллион теңгені құрайды. Барлығы 17 полиция қызметкері жарақат алды. Бұл туралы облыс әкімінің орынбасары Руслан Хамбаров айтты.
Ақтөбеде жаппай тәртіпсіздіктер кезінде қала бойынша жаппай тонау фактілері тіркелген жоқ. Алайда, облыс әкімдігінің ғимараты зақымданды. Келген шығын шамамен 300 миллион теңгені құрайды. Өйткені 4 қаңтарда наразылық білдірушілер Ақтөбе облысы әкімдігінің ғимаратын басып алып, тонап кеткен.
Бұған дейін әлеуметтік желіде Ақтөбеде наразылық өршіп тұрған тұста облыс әкімі мен орынбасарының халық алдына шықпағаны туралы айтылған еді. Тіпті, ел арасында өңір басшысының қашып кеткені туралы да ақпарат тарады. Тікелей эфир барысында Руслан Хамбаров наразылық кезінде аймақ басшыларының қайда болғанын айтып берді.
Ол облыс басшысының дүрбелең кезінде жұмыста болғанын, алайда ғимарат басып алынғаннан кейін қауіпсіз жерге көшуіне тура келгенін жеткізді. Оның сөзінше, әкімдік ғимаратын қалпына келтіруге шамамен 2-3 апта уақыт қажет. Ақтөбедегі жаппай тәртіпсіздікке ұласқан бейбіт митингтен кейін полицияға 960 адам жеткізілген. Жаппай тәртіпсіздіктер ұйымдастыру, билік өкілдеріне күш қолдану, ғимаратқа шабуыл жасау және лаңкестік әрекеттер жасау фактілері бойынша 11 қылмыстық іс қозғалды.
– 960-қа жуық адам ұсталып, ішкі істер органдарына жеткізілді. Оның ішінде 7 адам аса ауыр қылмыс жасады деген күдікпен уақытша ұстау изоляторына қамалды. Төрт адамға қатысты сот қамауға алу түріндегі бұлтартпау шарасын санкциялады. 312 адам әкімшілік қамауға алынды, қалғандарына қатысты жедел тексеру шаралары жүргізілуде, – деді Руслан Хамбаров.
Жаппай тәртіпсіздік кезінде 17 полиция қызметкері жарақат алды. Қазір 2 қызметкер ауруханада ем алып жатыр.
Қазіргі уақытта облыс бойынша жағдай бірқалыпты. Барлық тіршілікке қажетті нысандар, қоғамдық көліктер штаттық режимде жұмыс жасауда. Сондай-ақ ірі өндіріс кәсіпорындары және қаржы мекемелері өз жұмыстарын жандандырды. Жанармай бағасы тұрақты. Азық-түлік бағасы бақылауда. Облыс әкімі орынбасарының мәліметінше, Ақтөбе облысында қаңтар айынан бастап өндіріс саласындағы 24 мың адамның орташа есеппен 25% жалақылары өсті.

Жансая Есмағанбетова
Ақтөбе қаласы

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.