Заң мен тәртіп – кез келген мемлекеттің тұрақты дамуының басты негіздерінің бірі. Қоғамда әр адам өз құқықтары мен міндеттерін біліп, заң талаптарын сақтаған кезде ғана қауіпсіз әрі әділетті орта қалыптасады.
Заң – адамдардың құқықтарын қорғайтын және қоғамдағы қарым-қатынасты реттейтін маңызды құрал. Ал тәртіп – сол заңдарды құрметтеп, күнделікті өмірде сақтаудан басталады. Заңды сақтау тек ересектердің емес, жастардың да міндеті. Мектептегі тәртіпті сақтау, өзгелердің құқығын құрметтеу, қоғамдық орындарда әдепті болу – заң мен тәртіпке деген жауапкершіліктің алғашқы қадамдары.
Жастар – еліміздің болашағы. Сондықтан жас ұрпақ құқықтық сауатты, жауапты және өз ісіне ұқыпты болуы қажет. Өз құқығын білетін адам өзгенің де құқығын құрметтейді.
Қорытындылай келе, заң мен тәртіп – бейбіт әрі қауіпсіз қоғам құрудың негізі. Әр азамат заңды құрметтеп, өз міндетін адал орындаса, еліміздің болашағы да жарқын болады. Заңға құрмет – өзіңе және қоғамға деген құрмет.
Ұлытау аудандық сот
Әкімшісі басшысының орынбасары: Ақмаржан Калекенова
