Мұхтар Әуезовтың «Абай жолы» кітабында жазылған Абай Құнанбаевтың әкесі Құнанбайдың басшылығымен қабылданған тек өсек –әңгімеге сүйенген шешімі екі кінәсіз адамның өмірін алып кеткенін көзімен көргеннен кейін Абайдың көзқарасы өзгергенін, қатыгездікке жол берген әкесіне де көзқарасы өзгергенін көруге болады. Оны кітаптағы мына жолдардан көруге болады: «Сонымен бірге, әсіресе, бір –бірімен шарпысқан сезім: «әке» деп жамандыққа қимау бар да және сол «әкеден» шошып, үрку бар». Кітапта сол замандағы адам тағдыры билердің өз пайдасына бұрмалап, шешімді шығаруға алып келетіні Абайдың ішіндегі толғанысты да оятқандай. Сол оқиғаның оны балалық шағынан айырып, есейтіп, әділдік жолына күресінің бастамасына бұрған бағытын көруге болады. Барлық қалдырған ұлы сөздерінде халыққа әділ заң мен таза билік орнатылғанын қалайтынын, ал өз заманындағы ақшаға шығаратын билерді ащы сынға алғанын көруге болады.
Таза билік орнатылғанын армандап, билік те, заң да халық игілігіне, пайдасына қызмет етіп, әділдік, адамгершілік және ар-ожданды, ұятты ту ету болды.
Ата заңымыз еліміздің барлық жетістіктерінің бастауы. Заңдағы барлық енгізілген өзгерістер мен толықтырулар 30 тамызда қабылданған ең басты құжат — Ата заңымыз Қазақстан Республикасының Конституциясының ірге тасының беріктігін нығайту болып табылады, ол дегеніміз — халық игілігіне, пайдасына қызмет етіп, әділдік жолында жұмыс жасау.
Заң тәртібімен, нақты дәлелдерге, айғақтарға сүйеніп, әр істің әділдік жолымен шешілуіне барымызды салып, халық игілігіне, пайдасына қызмет етудеміз.
30 тамыз –Конституция күнімен барлық Қазақстандықтарды құттықтай отырып, мықты денсаулық, отбасыларының беріктігін тілеймін! Еліміз аман, бейбітшілік болсын! Бірлігіміз мәңгілік болсын!
Маңғыстау облысының кәмелетке толмағандардың
істері жөніндегі мамандандырылған ауданаралық сотының
судьясы Айгүл Нұрланқызы Актулиева
