24 маусым «Судья мен сот қызметкерлерінің күні» кәсіби мерекесіне орай және өмірден өткен әріптестерді еске алу мақсатында Қызылорда облысы соттарының арасында волейболдан жарыс ұйымдастырылды.
Шараны Судьялар Одағының облыстық филалының төрағасы М.Еркінбеков пен Соттар әкімшісінің басшы С.Сүлеймен ашып, барлық жарысқа қатысушыларға сәттілік тіледі
Спорт бәсекесінде судьялары мен сот қызметкерлерінен құралған Арал, Қазалы, Қармақшы аудандары мен Байқоңыр қалалық сотының «Барыс», Жалағаш, Сырдария, Шиелі, Жаңақорған аудандық соттарының «Сұңқар», Қызылорда қалалық және Қызылорда қаласының №2 сотының «Қанағат», мамандандырылған соттардың «Найзағай» және Қызылорда облыстық сотынан құралған «Айбын» командалары команда сынға түсті.
Ойын қорытындысы бойынша Айбын үшінші орын алса, Сұңқар екінші тұғырдан көрініп, Найзағай командасы чемпион атанды.
Жеке номинациялар бойынша Қанағат командасының ойыншысы Б.Жаңабаев үздік үйлестіруші, Сұңқар командасының ойыншысы И.Тұңғышбаев үздік ойыншы, Найзағай командасынан Н.Жиенқожа үздік шабуылшы атанды. Жеңімпаздар арнайы кубокпен марапатталды.
Қызылорда облыстық сотының баспасөз қызметі