2024 ж. қарашаның 28 жұлдызында Әл-Фараби атындағы ҚазҰУ-дың Әл-Фараби кітапханасында Заң факультетінің Қылмыстық құқық, қылмыстық іс жүргізу және криминалистика кафедрасының Сарапшы-криминалист студенттік ғылыми үйірмесінің ұйымдастырумен 2024 жылдың 28 қазан және 09 қараша айларында Тұрақты даму мақсатының 3- ші бағыты Салауатты өмір салты және салауаттылықты қолдау аясында Алматы облысы Қарасай ауданы Долан ауылы орналасқан Долан Қазақстан Республикасының мамандандырылған оқу орталығының Ату клубында өткен халықаралық университетаралық деңгейдегі “Үздік нысана” атты байқаудың марапаттау салтанатты рәсімі өтті.
Байқаудың өткізілу мақсаты — Қазақстандық патриоттарды тәрбиелеу, студенттің Отан алдындағы жауапкершілік сезімін қалыптастыру, студенттер арасында достықты нығайту ынталандыру болып табылады.
Байқауға: Санкт-Петербург кәсіподақтар гуманитарлық университетінің Алматы филиалы; Қазақ Ұлттық Аграрлық Зерттеу Университеті; әл-Фараби атындағы Қазақ ұлттық университеті; «Тұран» университеті, Әбілқас Сағынов атындағы Қарағанды Техникалық университет; Абай атындағы Қазақ ұлттық педагогикалық университеті, Қонаев университетінің студенттері қатысты.
Байқаудың нәтежесі бойынша жеңімпаздарға қылмыстық құқық, қылмыстық іс жүргізу және криминалистика кафедрасының аға оқытушысы Б. А. Шопабаев арнайы I, II және III дәрежелі дипломдарын табыстады. Барлық марапатталғандарды құттықтаймыз.
Заң факультетінің қылмыстық құқық, қылмыстық іс жүргізу және криминалистика кафедрасының аға оқытушысы Даубасова С.Ш.
