Алматыда балалар мен жасөспірімдер командалары арасында «Nauryz cup – 2025» халықаралық турнирі өтті. Балалар жас ерекшелігі бойынша топ-топқа бөлініп өзара күш сынасты.
Мәселен, 2013 жылы туған балалар арасындағы жарысқа Алматы, Астана, Бішкек, Қарағанды, Қаскелең, Қонаев, Өскемен, Петропавл, Түркістан қалаларынан 20 команда қатысты. Алғашқы іріктеу кезеңінде олар төрт-төрттен бес топқа бөлініп күш сынасты. Одан кейін өз тобында 1-2 орын алғандар ширек финалда 1-8 орын үшін таласты. Солардың бірі Петропавл қаласындағы «Жеңіс» олимпиадалық резервтің мамандандырылған балалар мен жасөспірімдер спорт мектебінің командасы болды. Біз топтық іріктеу кезеңінде Алматының «KIFS А», «SD Famili» және Бішкектің «FC Asiagoal» командаларымен «С» тобында ойнадық. Бірінші турда «KIFS А»командасын 3:2 есебімен жеңіп, 2-турда «FC Asiagoal» командасымен 1:1 есебімен тең түстік. Ал 3-турда алматылық екінші командадан 3:1 есебімен басым түстік. Жартылай финалда «В» тобының үздігі болған Алматы қаласының «FFC» командасынан 0:2 есебімен жеңіліп, 5-орынды қанағат тұттық. Бірінші орын үшін болған сайыста Бішкектің «DORDOI» командасы «FFC» ойыншыларынан 3:0 есебімен басым түсті. Ал үшінші орын үшін болған сайыста Қонаев қаласының «ОФМБЖСМ» командасы Алматы қаласының «FC Arystan 2014» командасынан 3:4 есебімен жеңілді. Бұл біздің команданың қатысып отырған биылғы алғашқы турнирі. Былтыр бірқатар аймақтық және республикалық жарыстарда бақ сынағанбыз. Олдардың кейбірінде жеңімпаз болып, бірқатарынан жүлдегер атанып қайттық. Оқу мен футболды қатар алып жүрген оқушылар арасынан бұл жолы да өзімізге жаңа достар таптық. Бапкеріміз Георгий Датоевич бізге әрдайым жеңсек тасымай, жеңілсек жасымай әрбір жарыстан кейін тәжірибемізді шыңдай түсуге үйретті.
Ерасыл ЕРЖАН, Петропавл қаласындағы Сафуан Шаймерденов атындағы гимназияның 6А сынып оқушысы
