Түрксіб ауданы прокуратурасы мен Алматы қаласының қылмыстық істер жөніндегі мамандандырылған ауданаралық сотында көрнекі процес өткізілді. Онда іске қатыстылар есірткі және психотроптық заттарды аса ірі мөлшерде таратқаны үшін айыпталуда.
Есірткі және психотроптық заттардың заңсыз айналымына байланысты қылмыстық құқық бұзушылықтардың алдын алу мақсатында процеске профилактикалық есепте тұрған кәмелетке толмаған оқушылар тартылды. Іс-шараның мақсаты — қылмыстық сипаттағы салдарға әкеп соғуы мүмкін нақты сот пен нақты айыптау мысалында осы санаттағы қылмыстардың жолын кесу және алдын алу.
