Тіл – әр ұлттың жаны, рухы, тарихы мен мәдениетінің айнасы. Халықтың болмысы мен дүниетанымы оның тілінде көрініс табады. Сондықтан тіл – ұлт үшін ең қымбат қазына, баға жетпес құндылық. Қазақ халқы ежелден сөз өнерін ерекше қадірлеген. «Өнер алды – қызыл тіл» деп, тілдің қасиетін жоғары бағалаған. Ана тілі арқылы біз ата-бабамыздың салт-дәстүрін, әдет-ғұрпын, даналығын үйренеміз. Тіл ұрпақтан ұрпаққа жалғасып, халықтың ұлттық болмысын сақтап келеді.
Бүгінде қазақ тілі – Қазақстан Республикасының мемлекеттік тілі. Мемлекеттік тілді құрметтеу – әр азаматтың парызы. Қазақ тілін білу тек қарым-қатынас құралы ғана емес, ол – елге, жерге деген құрметтің белгісі. Ана тілін ардақтаған адам өз халқының тарихын, мәдениетін, әдебиетін де құрметтейді.
Қазіргі заманда көптеген тілдерді меңгеру маңызды. Алайда өз ана тілімізді ұмытпау – басты міндет. Өйткені тіл жоғалса, ұлт та жоғалады. Сондықтан қазақ тілінің мәртебесін көтеру, оны дамыту – баршамыздың ортақ ісіміз.
Қорытындылай келе, тіл – халықтың ең асыл мұрасы. Ана тілімізді көздің қарашығындай сақтап, құрметтеу – әрбір азаматтың қасиетті борышы. Тілі мықты елдің рухы да биік болады.
Н.З.Тогизбаева, Ақтөбе облысының қылмыстық істер жөніндегі мамандандырылғанауданаралық сотының әкімшісінің бас маманы
