Қылмыстық атқару саласына қарасты Қызылорда облысы бойынша ІІД қарасты № 68 мемлекеттік мекемесінің қызметкерлері қақпа алдында жиын ұйымдастырды.
Жобаның негізгі мақсаты – халықтың осы санатындағы қайталанатын қылмыс деңгейін төмендету үшін күрестің негізгі құралдарының бірі болып табылатын бұрын сотталғандарды әлеуметтендіру және жұмысқа орналастыру болып табылады.
Кездесу барысында, ҚР ҚК-нің 174- бабы бойынша жаза мерзімі аяқталған 1-сотталғанға Қызылорда қалалық жұмыспен қамтуды үйлестіру және әлеуметтік бағдарламалар бөлімінің өкілдері босатылған азаматқа жұмысқа орналасу ережелері мен медициналық қамтамасыз ету және құжаттамалық қамтамасыз ету мәселелерін шешу ережелерін түсіндірді.
Сондай-ақ, оған жұмыстан босатылғаннан кейін жұмысқа орналасу құқықтары мен міндеттері туралы парақша, тұрғылықты жері бойынша жұмыспен қамту бөлімінің мекенжайы көрсетілген жұмысқа орналасуға қажетті құжаттар тізімі берілді.
«Қақпа алдындағы кездесу» әлеуметтік жобасы бас бостандығынан айыру орындарынан босатылғандарды дұрыс жолға салуға көмектеседі. Ал іштен ашылған изолятор қақпасы енді сырттан бұл азаматқа ешқашан ашылмайды деп сенемін», — деді мекеме бастығының тәрбие жөніндегі орынбасары, полиция полковнигі Жәнібек Зиябеков.
