Қатар компаниясына Mobile Telecom Service-ті (Tele2 және Altel) сату аяқталды. Бұл туралы Қазақстан қор биржасы KASE мәлімдеді, — деп хабарлайды Massaget.kz тілшісі.
Биржа мәліметінше, мәміле 2025 жылғы 14 қаңтарда аяқталды. «Қазақтелеком» «Мобайл Телеком-Сервис» акционерлік қоғамының жарғылық капиталындағы 100 пайыз үлесін Qatar PIH Communication LLC (Power International Holding) пайдасына сатты.
Айта кетейік, «Қазақтелекомның» негізгі акционері — «Самұрық-Қазына» ұлттық әл-ауқат қоры.
2024 жылы «Қазақтелеком» өзінің мобильді активтерінің бірі — Mobile Telecom-Service ЖШС-ын (Tele2/Altel брендтері) Таяу Шығыстағы жетекші конгломерат — Qatar Power International Holding-ке сататыны белгілі болды.
