Тегін 10 соток жер үшін кезекке қалай тұру керек?

Наурыз айынан бастап Қазақстанның электроны үкімет порталында жеке тұрғын үй құрылысы үшін жер кезегіне тұру бойынша жаңа қызмет іске қосылды. Бұл қызметтің арқасында қазақстандықтар кезекке тұрып, оны онлайн режимінде бақылай алады, деп хабарлайды Stan.kz ақпарат агенттігі «Алау» басылымына сілтеме жасап. 

Бұған дейін азаматтар кезекке тұру үшін әкімдікке баратын. Сонымен қатар кезек тізімі де әкімдікте сақталатын. 

«Бұған дейін жер кезегіне тұру және жерді жекеменшікке сату қызметтері порталда жұмыс істемеді. Қазір кезекке тұру автоматтандырылды. Енді азаматтарға әкімдікке барудың керегі жоқ, мұны электронды түрде ала алады. Бар болған компьютер мен электронды сандық қолтаңба қажет», — деді Қостанай облысы Цифрландыру, мемлекеттік қызметтер көрсету және архивтер басқармасының бас маманы Махаббат Сырғабай. 

Басылым мәліметінше, 18 жастан асқан кез келген азамат жеке тұрғын үй құрылысы үшін 10 соток жерді тегін ала алады. Сондай-ақ пәтер, үй немесе жер телімінің болуы маңызды емес. Алайда азамат тұрғын үйді қолданысқа беру жөнінде актке қол қойылған соң ғана жер телімінің иесі атанады. Жер телімін екінші рет тегін ала алмайды. 

«Бұл үшін электронды үкімет порталына кіріп, іздеу жолынан қызмет атын жазу керек немесе «Жылжымайтын мүлік» — «Жер қатынастары» бөлімін таңдау қажет. Бұдан соң «Жеке тұрғын үй құрылысына жер учаскесін (10 сотық жер) алуға кезекті қарау немесе кезекке тұру» қызметіне өту керек», — деп түсіндірді маман. 

Нәтижесінде азаматқа кезекке тұрғаны туралы анықтама беріледі немесе бас тартылғаны туралы хабарлама келеді. 

Ресми деректерге сәйкес, Қостанай облысында тегін 10 соток жер кезегінде 33 мың адам тұр.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.