Тараптар медиациялық келісімге келді

Орал қаласының №2 сотына  талапкер А. жауапкер Т-ға  жол көлік  оқиғасы  салдарынан  туындаған  залалды  өндіру туралы талап арызымен  жүгінді, талап арызға сай тараптардың  қатысуымен болған жол-көлік  оқиғасы салдарынан  талапкерге денсаулығына  зиян келген. Емделуіне  жалпы  118 732 теңге кеткен.
Талапкер  соттан  118 732 теңге, моральдық  залал  500 000  теңге және  соттағы  өкіл қызметіне  150 000 теңге көлемінде талап етті.
Сотқа  дейінгі  отырыста  тараптар медиациялық келісімге келіп, келісімге сәйкес  жауапкер  талапкерге  125 000 тенге, оның  ішінде  50 000 теңге — моральдық залал, 50 000 теңге — өкіл қызметі соммасы, 25 000 теңге  емделуіне  төлеуге  міндеттеледі.
Талапкер өз  кезегінде  келісім шарттарын қабылдап, талаптарынан бас тартады.
Ұйғарым заңды  күшіне  енді.