Сотталғандардың ҚАЖ мекемелерінен босталғаннан кейін қоғамға бейімделуі күрделі процесс. Алматы және Жетісу облыстары бойынша ҚАЖД №71 мекемесіндегі шаруашылық қызметіне қалдырылған сотталғандармен бостандыққа бейімдеу жұмыстары қарқынды жүргізілуде.
Осы орайда, мекеме қызметкерлерінің ұйымдастырылуымен сотталғандар Талдықорған қалалық халықты жұмыспен қамту орталығының өкілдерімен кездесті. Кездесу барысында мамандар бостандыққа шыққаннан кейін жұмысқа орналасудың, құжаттарды тиісті реттелуінің және ақысыз арнайы курстардан да өту жолдары туралы түсіндірме жұмыстарын жүргізді.
Іс-шара ҚАЖ мекемелеріндегі жағдайды сауықтырудың 2023-2025 жылдарға арналған Жол картасын жүзеге асыру аясында өткізілді.
