Қарағандыда жедел жәрдем көлігі жүргізушісінің соққыға жығылу дерегі бойынша сот процесі тікелей эфирде көрсетіледі. Бұл туралы Жоғарғы сотта мәлім болды, — деп хабарлайды Tengrinews.kz тілшісі.
«Жедел жәрдем жүргізушісіне күш көрсетумен қатар, бұзақылық жасады деп айыпталып отырған сотталушыға қатысты қылмыстық іс бойынша кезекті сот отырысы бүгін, 2024 жылдың 2 мамырында сағат 11:00-де Қарағандыда өтеді», — делінген хабарламада.
Сот отырысының онлайн трансляциясын Жоғарғы Соттың YouTube-арнасынан көруге болады.
Еске салайық, жедел жәрдем жүргізушісіне шабуыл қаңтардың аяғында Қарағандыдағы Майқұдық аулаларының бірінде болған. Нұрболат Дәкебаев жүргізушіні бірнеше рет ұрған. Бұл оқиға видеоға түсіп қалып, желіде резонанс тудырды.
