Абай облысы Ақсуат ауданы аумағында ағымдағы жылдың 15 тамызында Ақсуат аудандық пробация қызметінің ұйымдастыруымен «Пробация үйі» іс-шарасы өткізілді.
Ауданның пробация қызметінің есебінде тұрған, түзеу мекемелерінен босап келген тұлғаларға әлеуметтік-құқықтық және басқада көмек түрлерін көрсету және қайталап қылмыс жасаудың алдын алу мақсатында ауылдық округтерден барлық пробация есебінде тұрған тұлғалар қамтылды.
Пробация үйінің негізгі мақсаты қылмыстың алдын алу және қайталанбауын қамтамасыз ету мақсатында шартты түрде сотталғандармен бұрын сотты болған тұлғаларға әлеуметтік және өзгеде көмекті ұйымдастыру болып табылады.
Пробация үйінде қабылдау айына 1 рет өткізілетін болып бекітілген. Қабылдауда болған пробация есебінде тұрған сотталған тұлғаларға медициналық көмек түрлері ұсынылып, құқықтық кеңестер беріліп, жеке бастарына зерделеу жүргізілді. Қабылдау комиссиясының құрамында денсаулық сақтау,жұмыспен қамту, тұрғын үй, заң білім беру саласының өкілдері болды. Аталған жоба бойынша ары қарай тиісті жұмыстар жүргізілуде.
Абай облысы бойынша ҚАЖД
Ақсуат аудандық ПҚ-ң
инспекторы
әділет капитаны А.Ш.Шәбен
