Алматы облысы және Жетісу облысы бойынша ҚАЖ Департаментіне қарасты №57 мекемесінің мәжіліс залында, №12,49,57 мекеме кадр саясаты бөлімшесінің инспектор психологтарының ұйымдастыруымен «Төтенше жағдай кезінде қызметкерлерді психологиялық сүйемелдеу» тақырыбында ауқымды кездесу іс-шарасы өтті.
Аталған кездесуге Талдықорған қаласындағы №71 мекемесінің қызметкерлері Маулен Мырзабеков және Дидар Байбосынов, Алматы қаласындағы ҚР орталық музей директорының орынбасары Бибігүл Дәндіғараева және әлеуметтік желісі арқылы тараған қаңтар оқиғасында «Бұйрық бұл бұйрық»-деп өз сөзінен қайтпаған әскери қызметкер Ұлан Мырзабайдың әжесі Бестаева Шынар қатысып, өздерінің ойларымен бөлісіп, Заречный кентіндегі ҚАЖ қызметкерлерімен пікір алмасты.
Кездесудің басты мақсаты қызметкерлер арасында арнайы ұлттық тәрбиені насихаттау және патриоттық сезімдерін ояту арқылы тәрбиелік мәнін ашу және төтенше жағдай кезінде қызметкерлердің психологиялық ерік-жігерін шыңдау.
Кездесу барысында қонақтар төтенше жағдай орын алған сәтте ұжым арасындағы ұйымшылдықтың маңызы, патриоттық рухтың алатын орны туралы сезімдерін жеткізді.
Қелген қонақтарға №57 мекеме басшылығы мен ҚАЖ ардагері Дутбаев Қанат алғыстарын білдірді.
Ұйымдастырылған іс-шара, №12 мекеме аумағында орналасқан Қызметтік борышын атқару кезінде қаза тапқан ішкі істер органдары қызметкерлеріне арналған Ескерткішке гүл шоқтарын қою рәсімімен аяқталды.
